* Visita suxeita a mudanza por causa da explotación portuaria
3 praza(s) libre(s)
A Autoridade Portuaria da Coruña programa por cuarto ano roteiros guiados polo porto interior. O obxectivo é achegar aos coruñeses e a quen nos visiten as características e a apaixonante historia do noso porto.
Para as visitas contamos cun colaborador de luxo: o guía turístico Suso Martínez. Da súa man, os asistentes poderán coñecer o pasado, presente e futuro do Porto da Coruña, con especial énfase nos acontecementos históricos que forxaron o desenvolvemento do porto e o carácter da propia cidade. Desde as expedicións científicas ata os episodios bélicos ou a chegada de personaxes ilustres, Martínez propón un percorrido ameno e didáctico acerca da primeira razón de ser da Coruña: o seu porto.
As visitas desenvolveranse de 25 de Maio a 20 de Outubro. A súa duración aproximada é de 90 minutos.
A camiñada parte do mural do porto situado na praza de Ourense e o percorrido consistirá nun paseo polo muelle de Calvo Sotelo. Continúa así a iniciativa da Autoridade Portuaria de achegar o porto aos coruñeses.
Fíxase un máximo de 30 persoas por cada visita.
A Autoridade Portuaria regalará a cada asistente unha fotografía panorámica do porto coruñés realizada en 1916. Trátase dunha reprodución a gran tamaño, a partir dunha copia pertencente á Colección Bartolomé-Chavert, dunha postal orixinal publicada por Papelería de la Fuente.
Os datos recabados por este formulario serán incluidos nun ficheiro de datos de carácter persoal cuxa finalidade é o control e ordenación das visitas. As preguntas marcadas nel incluidas, son de carácter obligatorio, polo que a súa non cumplimentación supón a imposibilidade da súa inclusión en dito ficheiro. Os destinatarios da información que se contén en dito ficheiro serán os responsábeis da División de Comunicación da Autoridade Portuaria. A Autoridade Portuaria da Coruña, con domicilio na Avenida da Mariña, 3 da Coruña e como responsábel do ficheiro, garante o exercicio dos dereitos de acceso, rectificación, cancelación e oposición dos datos facilitados. De igual modo, comprométese na utilización dos datos incluidos no ficheiro a respectar a súa confidencialidade e a utilizalos dacordo coa finalidade do ficheiro.
